纽卡素列斯联斗大同级对手互撼去尽周三凌晨英超仲有场中下游大战，由纽卡素主场斗列斯联。纽卡素自去年12月后，已经有10场未赢过波，领队布鲁士深受压力，遇上同级球队冇得再缩，要全力喺对方身上抢分；列斯联有前无后踢法冇变，近5场作客全开3球或以
纽卡素列斯联斗大
同级对手互撼去尽
周三凌晨英超仲有场中下游大战，由纽卡素主场斗列斯联。纽卡素自去年12月后，已经有10场未赢过波，领队布鲁士深受压力，遇上同级球队冇得再缩，要全力喺对方身上抢分；列斯联有前无后踢法冇变，近5场作客全开3球或以上，今场2.5球入球大要追捧。
就咁睇赛绩，纽卡素连盃赛10场不胜确係帮唔落，不过，其实当中有7场係作客，呢样一向係「喜鹊」弱项，尤其最近4场全部作客，走势向下係情有可原，其馀3场主场佢哋其实获2和1负，包括1比1逼和富咸、同利物浦互交白卷同仅败1比2畀李斯特城，今场面对列斯联，唔係冇得斗。
纽卡素领队布鲁士帅位危危乎，不过佢係英超老江湖，执教生涯不知遇上几多次呢啲危机，有压力咪赢番1、2场吊命，佢哋首循环作客列斯联输2比5，但起码都入到波，今场专心抢攻要入波唔难。
列斯联加云菲腊斯复出
列斯联近况亦一般，不过佢哋极富娱乐性嘅踢法，受到唔少「开大球迷」欢心，尤其作客更甚，球队近5场作客全开3球或以上，今场列斯联更有加云菲腊斯复出，加强转守为攻嘅能力，有望同纽卡素上演入球骚。
此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。
任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！